નવું એગ્રિકલ્ચર ઇન્ફ્રાસ્ટ્રક્ચર ફંડ ૨૦૨૯ એટલે કે ૧૦ વર્ષ સુધી અમલમાં રહેશે. આ ફંડ દ્વારા પોસ્ટ હાર્વેસ્ટ મેનેજમેન્ટ ઇન્ફ્રાસ્ટ્રક્ચર અને કોમ્યુનિટી ર્ફાિંમગ એસેટ્સ જેવા પ્રોજેક્ટમાં રોકાણ કરાશે. તેમાં વ્યાજમાં સબસિડી અને આર્થિક સહાય પણ પૂરી પાડવામાં આવશે. આ ફંડ અંતર્ગત પ્રાથમિક કૃષિ ક્રેડિટ સોસાયટીઓ, ખેડૂત સંગઠનો, કૃષિ ઉત્પાદન સંગઠનો, કૃષિ ઉદ્યોગ સાહસિકો, સ્ટાર્ટ અપ, એગ્રિ-ટેક કંપનીઓને લોન અપાશે. આ માટે વિવિધ નાણાં ધિરાણસંસ્થાઓ સાથે ભાગીદારી કરીને રૂપિયા એક લાખ કરોડનું ફંડ મંજૂર કરાશે. આ માટે જાહેર ક્ષેત્રની ૧૨માંથી ૧૧ સરકારી બેન્કોએ કેન્દ્રીય કૃષિ મંત્રાલય સાથે કરાર પર હસ્તાક્ષર કર્યા છે. એગ્રિકલ્ચર ઇન્ફ્રાસ્ટ્રક્ચર ફંડ ઓનલાઇન મેનેજમેન્ટ ઇનફર્મેશન સિસ્ટમ પ્લેટફોર્મ દ્વારા સંચાલિત રહેશે. લોન માટે આ પ્લેટફોર્મ પર અરજી કરવાની રહેશે.   વડા પ્રધાન નરેન્દ્ર મોદીએ પ્રધાનમંત્રી કિસાન સમ્માન નિધિ અંતર્ગત ૮.૫૫ કરોડ ખેડૂત લાભાર્થીઓ માટે રૂપિયા ૧૭,૧૦૦ કરોડનો છઠ્ઠો હપતો જારી કર્યો હતો. આ સાથે ૮.૫૫ કરોડ ખેડૂતોનાં બેન્ક ખાતાંમાં રૂપિયા બે-બે હજાર જમા થયા હતા. ૨૦૧૮માં શરૂ કરાયેલી પીએમ-કિસાન સ્કીમમાં સરકાર દ્વારા દર વર્ષે ૧૪ કરોડ ખેડૂતોના બેન્ક ખાતાંમાં ૩ હપતામાં રૂપિયા ૬૦૦૦ની આર્થિકસહાય જમા કરાવવામાં આવે છે. આ રકમ ખેડૂતોનાં બેન્ક ખાતાંમાં સીધી જમા થતી હોય છે.

 

નવું એગ્રિકલ્ચર ઇન્ફ્રાસ્ટ્રક્ચર ફંડ

 

૩ ટકાની વ્યાજસબસિડી અને રૂપિયા બે કરોડ સુધીની ક્રેડિટ ગેરંટી

વર્તમાન વર્ષમાં રૂપિયા ૧૦,૦૦૦ કરોડને મંજૂરી સાથે ચાર વર્ષ સુધી લોન અપાશે

તે પછીના ૩ નાણાકીય વર્ષમાં દર વર્ષે રૂપિયા ૩૦,૦૦૦ કરોડની ફાળવણી

લોનની પુનઃચુકવણી માટે મોરાટોરિયમ લઘુતમ ૬ મહિનાથી મહત્તમ બે વર્ષ રહેશે

રૂપિયા બે કરોડ સુધીની લોન માટે સીજીટીએસએમએસઇ અંતર્ગત ક્રેડિટ ગેરંટી કવરેજ

આ ક્રેડિટ ગેરંટી કવરેજ માટેની ફીની ચુકવણી સરકાર દ્વારા કરાશે

શેના માટે લોન આપવામાં આવશે?

 

* કોલ્ડ સ્ટોર અને કોલ્ડ સ્ટોરેજ ચેઇન

* વેર હાઉસિંગ

* સિલોસ

* એસેયિંગ

* ગ્રેડિંગ અને પેકેજિંગ યુનિટ

* ઇ- માર્કેટિંગ પોઇન્ટ

* ઇ-ટ્રેડિંગ પ્લેટફોર્મ

* રાઇપનિંગ ચેમ્બર્સ – ક્રોપ એગ્રિગેશન માટે પીપીપી પ્રોજેક્ટ