કેન્દ્ર સરકારના સત્તાવાર સૂત્રોએ શુક્રવારે જણાવ્યું હતું કે, કોરોનાની રસી ઉપલબ્ધ થતાં કેન્દ્ર સીધી ખરીદી કરશે અને સ્પેશિયલ કોવિડ-૧૯ ઇમ્યુનાઇઝેશન પ્રોગ્રામ અંતર્ગત પ્રાથમિકતા ધરાવતાં જૂથોને રાજ્યો અને જિલ્લા નેટવર્ક દ્વારા વિનામૂલ્યે ઉપલબ્ધ કરાવશે. સરકારે રાજ્યોને રસીની ખરીદી માટે અલગ યોજના નહીં બનાવવાની સૂચના આપી છે. સરકારે કોરોના રસીમાં પ્રાથમિકતા આપવા માટેના ૩૦ કરોડ લોકોની ઓળખ પ્રક્રિયા શરૂ કરી દીધી છે. આ સ્પેશિયલ પ્રોગ્રામ સરકાર સંચાલિત યુનિવર્સલ ઇમ્યુનાઇઝેશન પ્રોગ્રામને સમાંતર ચલાવાશે. રાજ્ય સરકારોેને મધ્ય નવેમ્બર સુધીમાં પ્રાયોરિટી ગ્રૂપના લોકોની યાદી તૈયાર કરવાની સૂચના અપાઇ છે.